Охрид, 15. октомври 2021 (ИНПРЕС) – Паднати дрва и гранки од тежината на снегот има утринава на патот Охрид-Скопје, кон планинскиот превој Стража.
На терен се преземаат мерки за санирање на состојбите. Инаку коловозот е исчистен,без остатоци од снег. Сообраќајот се одвива непречено, по влажни коловози.
Од АМСМ се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (Крај)
извор: ИнПрес фото: ИнПрес