Светски познатиот пијанист Алекандар Јаковлев со настап во Охрид на Денот на Охридското Езеро

Светски познатиот пијанист Александр Јаковлев со настап во Охрид на Денот на Охридското Езеро

Охрид, 20. јуни 2022 (ИНПРЕС) – Во организација на општина Охрид, а во рамки на програмата за одбележување на 21-ви јуни, Денот на Охридското Езеро, утре во црквата „Св. Софија“, со почеток во 19:00 часот ќе се одржи солистички концерт на познатиот пијанист Александр Јаковлев.

Александр Јаковлев дипломирал на Државниот конзерваториум во Ростов, каде што завршил и постдипломски стидуи. Во 2006 година победник е на натпреварот Шопен во Рим. Тој редовно учествува на музички фестивали како што се „Големите мајстори на Сарагоса“ во Шпанија, фестивалот на пијанистот Артуро Бенедети Микеланџели во Италија, „Мај фест“ во Шкотска и „Лицата на современиот пијанизам“ во Санкт Петербург.

Јаковлев има настапувано во повеќе земји ширум светот. Тој е добитник на 30-тина први награди и повеќе од 50 награди на меѓународни натпревари по пијано. (Крај)

извор: ИнПрес фото: архива