Месец дена обуки и работилници за балет на плажата „Бафало“ во Охрид

Месец дена обуки и работилници за балет на плажата „Бафало“ во Охрид

Охрид, 22. јуни 2022 (ИНПРЕС) – Деновиве на плажата „Бафало“ кај мостот на каналот Студенчишта се поставува сцена, на која во следниов месец ќе се одржуваат обуки и работилници за балет.

Организатор е балетското школо Bullfrogs од Скопје, а активностите се во рамкина нивната програма „Култура под небото“.

Од општина Охрид за Супер радио и InPress информираа дека ваквите настани се во насока на збогатување на културно уметничката понуда за деца во градот.

Обуките и работолниците ќе бидат наменети за деца од 4-18 години, а како кулминација на настанот кон средината на следниот месец ќе се одржи балетска претстава. Дел од „Култура под небото“ може да бидат и сите граѓани и посетители на Охрид.

Ваков настан деновиве се одржа во Паркот на Франкофонијата во Скопје. (Крај)

извор: ИнПрес фото: ИнПрес