Охрид, 24. јуни 2022 (ИНПРЕС) – Утре во големата сала на општина Охрид, од 11:00 часот, ќе се одржи 5-от (изборен) Конгрес на Партијата за општествен и економски напредок – ПОЕН.
Свое обраќање ќе има досегашниот претседател на ПОЕН, д-р Рубин Земон, кој ќе даде осврт на ставовите, политиките и досегашното работење на партијата.
-Низ конструктивна дебата се очекува да бидат усогласени новите програмски приоритети на ПОЕН, како и да се избере ново раководство на партијата, информираат од партијата.
Ќе присуствуваат поголем број од раководствата на партиите коалициони партнери на ПОЕН, како и од другите партии. (Крај)
извор: ИнПрес фото: архива
