Охрид, 30. ноември 2022 (ИНПРЕС) – Согласно Законот за празниците на Република Македонија, четврток, 8-ми декември, „Св. Климент Охридски“, е неработен ден за сите граѓани на Република Македонија.
На овој ден се чествува споменот за Св. Климент Охридски, еден од првите средновековни словенски светци, научник, писател и просветител на Словените. Бил еден од најистакнатите ученици на Кирил и Методиј кои заедно се поврзуваат со создавање на глаголското и кириличното писмо, особено нивното распространување помеѓу христијанизираните Словени.
Градот Охрид на овој ден со бројни настани ќе го одбележи празникот на својот патрон и заштитник. (Крај)
извор: ИнПрес фото: ИнПрес
