Дебрца, 21. февруари 2023 (ИНПРЕС) – Општина Дебрца за студиската 2022/2023 година ќе додели стипендии на редовни студенти од општина Дебрца, запишани на додипломски студии од прв циклус на јавните и приватните универзитети и високообразовни установи во Република Македонија.
Покрај тоа за оваа учебна година ќе се доделат стипендии и на одлични ученици од општина Дебрца запишани на јавните и приватните средни училишта во Република Македонија.
Условите и критериумите за доделување стипендија се по основ на двата конкурси може да се погледнат на следните линкови:
Пријавата со потребните документи кандидатите треба да ги достават најдоцна до 7-ми март на адреса: Општина Дебрца, 6344 село Белчишта , во затворен плик, со назнака: „За Комисијата за спроведување на Конкурсот за доделување ученички и студентски стипендии“.
Висината на студентската стипендија ќе изнесува 2.500 денари месечно, за девет месеци во текот на студиската година, додека за средношколците ќе изнесува 1.500 денари месечно, за период од девет месеци.
Списокот со избраните кандидати ќе бидe објавен најдоцна до 20-ти март на интернет страницата на Општина Дебрца. (Крај)
извор: ИнПрес фото: архива
