Грчкиот кошаркарски клуб Олимпија Лариса доаѓа на гости кај ГКК Охрид

Охрид, 29. мај 2023 (ИНПРЕС) – Градскиот кошаркарски клуб Охрид, кој од неодамна е прволигаш, оствари нова соработка со грчкиот кошаркарски клуб Олимпија Лариса.

Грчкиот клуб од 2-ри до 4-ти јуни ќе престојува во Охрид и притоа со македонскиот клуб ќе одиграат три пријателски натпревари со генерацијата U-14 & U-16 мажи.

– Како клуб продолжуваме со реализација на вакви соработки со странски клубови, што ќе ни овозможат раст и развој на младите категории во нашата школа, велат од ГКК Охрид.

Натпреварите ќе се одиграат во спортската сала „Билјанини извори”, а времето на одигрување ќе биде дополнително објавено. (Крај)

извор: ИнПрес фото: архива