Охрид, 17. август 2023 (ИНПРЕС) – Од Центарот за јавно здравје од Охрид информираат дека се подготвени, навремено, пред почетокот на уште една школска година, да одговорат на потребите за обавување на здравствен преглед на децата за земање и микробиолошка анализа на брис од грло и нос.
Истото е во насока на спроведување на ефикасна здравствена заштита и превенирање на појава и ширење на бактериски инфекции во образовните установи во Охрид, со посебен акцент на предшколските установи-детските градинки, а согласно барањата од Законот за здравствена заштита.
– Потребно е да имате уреден упат од матичниот лекар на Вашето дете и документ за идентификација на носителот на здравственото осигурување. Уверете се во брзата, ефикасна, стручна и професионална услуга и точноста на нашите резултати/наоди, како и во бројни интересни содржини и изненадувања наменети за нашите најмлади пациенти, дечињата, со цел да се чувствуваат пријатно и заборават на стравот при вршењето на медицинските третмани во нашата установа, информираат од Центарот.
Услугата може да се добие секој работен ден во периодот од 07:00 до 14:00 часот и во сабота од 08:00 до 11:00 часот.
извор: ИнПрес фото: архива
