Искршени и откорнати клупи… повторно и повторно (Фото)

Охрид, 25. април 2024 (ИНПРЕС) – Нов ден, а сликата за покажување на култура и грижа за јавните добра иста.

Читатели на InPress ни испратија фотографии од искршени и откорнати клупи, овојпат „настрадаа“ оние во паркот на улицата „Јане Сандански“, на пресекот со улица „Даме Груев“. Темата позната, обработувана, но решение по сѐ изгледа сѐ уште нема.

Граѓаните велат неодговорни поединци „завршија работа“, сега на потег се надлежните. Апелираат што поскоро да се санираат оштетувањата за да можат жителите кои гравитираат во овој дел на градот да одмораат и уживаат во паркот.

Неодамна, читатели на InPress кои живеат на овој потег ни испратија фотографии од искршени и уништени реквизити во детското игралиште. (Крај)

извор: ИнПрес фото: ИнПрес