Струга, 30. јули 2024 (ИНПРЕС) – Во петок, 2. Август, за големиот празник Илинден, Струга ќе биде домаќин на спортски фестивал.
Истиот ќе се одржи на кеј „8-ми Ноември“ (наспроти „Тинекс“ маркет) со почеток во 11:00 часот.
Учесниците ќе се натпреваруваат во неколку дисциплини: пливање (ширина на Црн Дрим 27 м.слободен стил), ватерполо, кајак едносед на 100 метри, СУП 100 метри и такла скок.
– Спортски фестивал „Илинден“ е настан од исклучителна важност за развојот на водните спортови и етаблирањето на градот Струга во важна спортско-туристичка дестинација. Бидете дел од највжниот спортско-забавен настан ова лето и не дозволувајте другите да ви раскажуваат, порачуваат организаторите. (Крај)
извор: ИнПрес фото: архива
