Орхан Памук: Во Турција владее атмосфера на страв

Анкара, 7. декември 2014 (ИНПРЕС) – Во Турција владее атмосфера на страв, изјави турскиот писател и нобеловец Орхан Памук во интервју за „Хуриет“, во кое ја обвини турската влада во вршење притисок врз медиумите и малтретирање на новинари.

– Најлошото е дека има страв. Мислам дека сите се плашат, тоа не е нормално. Слободата на изразување е ограничена до најниско ниво, рече Памук, кој во 2006 година ја доби Нобеловата награда за литература.

Во интервјуто тој ја обвинува турската влада за вршење притисок врз медиумите и новинарите.

– Многу пријатели ми рекоа дека голем број новинари останале без работа. Сега на малтретирање се подложени дури и новинари кои се блиски до владата, изјави 62-годишниот писател.

Тој го изрази разочарувањето од неодамнешните изјави на турскиот претседател Реџеп Таип Ердоган, кој рече дека „мажите и жените не се еднакви“. (Крај)

извор: АФП фото: АП