Хардувелис: Атина може и случајно да излезе од еврозоната

Атина, 13. јануари 2015 (ИНПРЕС) – Грчкиот министер за финансии Гикас Хардувелис не ја исклучува можноста од „случајно излегување“ на неговата земја од еврозоната.

– Излегувањето на Грција од еврозоната не е задолжително и тоа може да се биде и случајно. Наша задача е да се избегне таков развој на настаните, истакна министерот.

Во пресрет на предвремените парламентарни избори закажани за 25-ти јануари, левичарската партија Сириза води на анкетите пред десничарската партија „Нова демократија“. Од Сириза инсистираат да биде запрена програмата за тешките мерки за штедење, наметнати од меѓународните кредитори.

Во врска со државниот долг, министерот Хардувелис со став дека е јасно дека нема да може да се добие простување на дел од долгот од ЕУ.

– Затоа сакаме да имаме фиксна каматата на долгот, наместо сегашната која е променлива. Сметаме дека ако сегашната влада остане на власт, таа ќе успее да постигне некаков договор. Ако левичарската опозиција ја преземе власта, ќе и биде тешко да го постигне она што сега го застапува, вели министерот.

Грчката опозициска партија СИРИЗА ќе инсистира од доверителите да биде намален поголемиот дел од долгот, ако победи на предвремените парламентарни избори закажани за 25-ти јануари, изјави на партискиот конгрес кој се одржа на почетокот на годинава лидерот Алексис Ципрас.

Долгот на Грција во моментов е околу 322 милијарди евра.

– Ќе се обидеме да потпишеме договор за инструментите на економски развој. Ќе ги заштитиме грчкиот банкарски систем и ќе ги гарантираме депозитите на грчките граѓани, изјави Ципрас. Според него простувањето може да се случи со „технички мерки кои нема да влијаат негативно врз економијата на Европа, а ќе бидат реализирани со помош на колективни европски механизми“.

– Долговите на Грција беа намалени во 1953 година, истото ќе биде направено и во 2015-та, додаде тој. (Крај)

извор: АФП фото: АП