Tose Proeski Тоше Проески
Крушево, 16. октомври 2024 (ОХРИДПРЕС) – Денес се навршуваат 17. години од прераната смрт на македонската музичка легенда Тоше Проески.
Тој загина на 16-ти октомври 2007 година околу 06:20 часот во сообраќајна несреќа на автопатот кај Нова Градишка, Република Хрватска. Џипот со кој што управуваше пријателот на Тоше, тогаш 32-годишниот Ѓорѓи Ѓорѓевски, поради неприлагодена брзина и премалото растојание помеѓу возилата, удри во приколката на камионот кој што се движел пред нив, при што страната на совозачот, каде што седел Тоше, заврши под приколката на камионот.
Тоше имаше само 26 години. Во својот краток живот остави ноти и зборови, но најмногу остави надеж дека она човечкото во нас не е изгубено и дека можеме да бидеме едно, само ако посакаме.
Роден е во Крушево каде и го завршува основното училиште. Љубовта кон музиката го носи во клупите на средното музичко училиште во Битола, а подоцна на Факултетот за музички уметности во Скопје.
И годинава охридското Супер радио со посебно прилагодена програма и неговите најголеми хитови ќе ја одбележи 17. годишнината од неговата смрт. (Крај)
извор: ОхридПрес фото: архива
