Охрид, 29. октомври 2024 (ИНПРЕС) – Хит претставата „Секс, лаги и љубомора“ на Марк Камолети во режија на Коле Ангеловски, на барање на публиката следниот вторник, 5-ти ноември повторно на репертоарот на Народен театар Охрид.
Улогите ги толкуваат актерите: Никола Тодороски, Стрезо Стаматовски, Билјана Билаловиќ- Вељаноска, Адријана Билаловиќ-Тодороска, Елизабета Стефановска-Јандреовска и Марија Новак.
Ова е прва изведба на претставата по добиената награда на Меѓународниот театарски фестивал „Денови на комедија“ во Куманово, на актерката гостин Марија Новак, за најдобра споредна женска улога за ликот на Косара.
Почетокот на претставата е во 20:00 часот. Цената на билетот е 300 денари. Билетите од денес се пуштени во продажба. Билетарата работи секој работен ден од 10:00 до 17:00 часот и од 13:00 до 20:00 часот на денот на изведбата на претставата. Крај)
извор: ИнПрес фото: архива
