Охрид, 4. ноември 2024 (ИНПРЕС) – Народен театар Охрид го објави репертоарот за месец ноември.
Како што веќе најавивме, утревечер од 20:00 часот ќе биде изведена хит комедијата „Секс, лаги и љубомора“ од Марк Камолети, во режија на Коле Ангеловски.
Во сабота, 9-ти ноември ќе биде изведена најновата претстава „Кумови“ од Душан Ковачевиќ, во режија на Билге Емин. Театарската импровизација „Импровокација“ на репертоарот е на 17-ти ноември (недела), а на 29-ти ноември сцената повторно ќе биде резервирана за изведбата на комедијата „Секс, лаги и љубомора“.
Почетокот на изведбите ќе биде во 20:00 часот во малата сала на Центарот за култура „Григор Прличев“. (Крај)
извор: ИнПрес фото: архива
