Нови Сад, 21. ноември 2024 (ИНПРЕС) – Канцеларијата на вишиот јавен обвинител во Нови Сад соопшти дека по прибирање и детална анализа на целата потребна документација за изградбата на настрешницата на железничката станица во Нови Сад која се урна и усмрти поголем број лица, извршени се разговори со поголем број граѓани, откако претходно беше извршено вештачење за да се утврдат причините и околностите под кои се случи несреќата.

По наредба на Вишото јавно обвинителство во Нови Сад, денеска се уапсени и приведени вкупно 11 лица, пишуваат српските медиуми.

Според пишувањата во српските медиуми меѓу уапсените е и поранешниот министер за градежништво, транспорт и инфраструктура Горан Весиќ. Тој поднесе оставка од функцијата пет дена по трагедијата. Меѓу уапсените е и помошник министерката за железнички сообраќак Анита Димовски, поранешниот директор на Инфраструктура железници Србија, Небошја Шурлан и актуелната директорка на претпријатието Јелена Танасковиќ.

За делото кое се товарат, тешко кривично дело против општата безбедност, е предвидена затворска казна од две до 12 години, информираат од српското обвинителство.

Во инцидентот настрадаа 15 луѓе, двајца сѐ уште се борат за живот. (Крај)

извор: Телма фото: архива