Дебрца, 21.мај 2026 (ИНПРЕС) – Утревечер од 22:00 часот во балон салата „Аминта III“ ќе се одигра финалниот натпревар на третиот турнир во мал фудбал „Св. Никола“ во селото Требеништа.
Во битка за шампионскиот трофеј ќе се соочат екипите наКафе Бар 9 и Инекс Олгица.
– Две одлични екипи, еден победник и вечер исполнета со емоции, навивање и вистински фудбалски спектакл. Не пропуштајте ја вечерта кога ќе се одлучува шампионот, да го наполниме игралиштето и да уживаме во големото финале, порачуваат организаторите.
Еден час претходно ќе се одигра натпреварот за трето место помеѓу екипите на АСП Пак и Никем.
Наградниот фонд е 220.000 денари. За прво место се обезбедени 120.000 денари, второто место носи 60.000, третото 30.000 и четвртото место 10.000 денари. (Крај)
извор: ИнПрес фото: архива
