Украдени 20 снајпери од Центарот за безбедност во Подгорица

Подгорица, 3.јули 2015 (ИНПРЕС) – Од полициски магацин во зградата каде што порано бил Центарот за безбедност во Подгорица украдени се 20 снајпери , како и значително количество муниција.

Магацинот не е пробиен, но крадците, ја отклучиле вратата и ги украле пушките и муницијата.

На информативен разговор се повикани повеќе инспектори како и магационери кои ги држеле клучевите од магацинот, но засега нема осомничени.Најверојатно станува збор за кражба на снајперски пушки со пригушувачи.

– Откако Центарот за безбедност во Подгорица се пресели во новите простории, дел од оружјето остана во магацинот. Се претпоставува дека останаа снајперски пушки и придушувачи, како и околу 10.000 парчиња муниција.

Потврдено е дека вратата не била оштетена и дека била отклучена, а по завршувањето на “работата” била заклучена.

Кога се забележа дека недостасуваат пушки, веднаш се лансира внатрешна истрага во рамките на полицијата. Сослушани беа и голем број на полициски службеници кои имале контакт со магацинот но засега нема осомничени.(Крај)

извор:Правдико фото:архива