Белград, 27. октомври 2015 (ИНПРЕС) – Спроведувањето на обврските од планот “Јункер” за справување со бегалската криза, кој беше усвоен на самитот во Брисел, претставува нов услов за Србија во однос на евроинтеграциите, пишува српскиот весник Danas.
Според дипломати, тоа значи дека Србија веќе нема да може само да ги пренасочува бегалците кон земјите од ЕУ, туку ќе треба да обезбеди засолниште за над 10 000 бегалци.
– Реално не може да се очекува вработените на “Фронтекс” до неколку месеци да стигнат до границата меѓу Србија и Хрватска. До тогаш регистрацијата на бегалците ќе се прави како досега, објаснуваат експертите. (Крај)
извор: РТС фото: архива