Нова демократија не доби нов лидер

Атина, 21. декември 2015 (ИНПРЕС) – Изборите за нов лидер на главната грчка опозициска партија Нова демократија не успеаја да дадат јасен победник и на 10 јануари ќе има прегласување, информираа претставници на партијата.

Шеесет и двегодишниот Евангелос Меимаракис – поранешен претседател на грчкиот Парламент, министер, и од јуни до ноември годинава вршител на должноста претседател на партијата на внатрепартиските избори освои над 40 проценти од гласовите на сопартијците. Неговиот соперник, 47-годишниот Киријакос Мицотакис, е втор со околу 30 проценти од гласовите.

Официјалните резултати се очекува да бидат соопштени утринава, но претседателот на партиската изборна комисија, Јоанис Трагакис веќе соопшти дека ќе има прегласување меѓу Меимаракис и Мицотакис. (Крај)

извор: BTA фото: архива