Охрид, 13 април 2020 (Inpress) – Со интервјуа со бројни граѓани, Супер радио и OhridPress ја продолжуваат кампањата #SediSiDoma.
За тоа како го поминуваат времето во карантин, како најбрзо поминува времето, со кои активности најчесто го исполнуваат, денес разговараме со Тоше Танески од групата Балкан џем.
OhridPress: Како се справувате со карантинот. Дали следите постојано на медиумите што се случува или се одлучивте за комплетна изолација?
Танески: Да, комплетно сум изолиран во кругот на семејството, а што се однесува до медиумите, во последно време се трудам да ги избегнам.
OhridPress: Неколку совети од Ваша страна, односно што практикувате во домот за побрзо да помине времето во изолација?
Танески: Бидете креативни, слушајте музика, тие што свират на некој инструмент нека свират, играјте друштвени игри со семејството.
OhridPress: Дали може да ни предложите некој филм, серија, музика или книга за нашите читатели?
Танески: Слушајте квалитетна музика, секоја прочитана книга е добредојдена во моментов, а што се однесува на филм гледајте комедии.
OhridPress: Додека сме во домовите се конзумира повеќе храна. Некој предлог за омилено јадење за полесно да помине карантинот?
Танески: Омилена храна секогаш ми се лазањи, само без претерување. Секогаш на зезање и викам на жена ми: тргни ги магнетите од фрижидер, ме влечат накај него :).
OhridPress: Се надеваме дека за брзо време ќе го надминеме и овој сериозен предизвик. Што ќе направите прво по нормализирањето на состојбата и укинувањето на вонредната состојба?
Танески: Најмногу ми недостига кафана, штом заврши сево ова прво ќе отидам во кафана, а и ми недостигаат свирките со Балкан Џем, се надевам дека добро ќе се забавуваме! (Крај)
извор: ОхридПрес фото: архива
