Скопје/Охрид, 15. јуни 2020 (Inpress) – Од полноќ нови, повисоки цени на нафтените деривати.
Согласно одлуката на Регулаторната комисија за енергетика малопродажната цена на Еуросупер БС-95 се зголемува за 1,50 денар за литар и ќе изнесува 59,50 денари.
Цените на Еуросупер БС-98, Еуродизел (Д-Е V) и на Екстра лесното масло за домаќинство (ЕЛ-1) се зголемуваат за еден денар и ќе се точат за 61,50, 51, односно 40 денари за литар.
Малопродажната цена на мазутот М-1 НС се зголемува за 0,273 ден/кг и ќе изнесува 24,886 ден/кг.
Овие цени ќе важат до следниот понеделник. (Крај)
извор: Inpress фото: архива