Градскиот хор Vox Lychnidos освои златен и сребрен медал на Меѓународниот хорски фестивал „Мелодианум“ во Кикинда

Градскиот хор Vox Lychnidos освои златен и сребрен медал на Меѓународниот хорски фестивал „Мелодианум“ во Кикинда

Охрид, 15. декември 2020 (ИНПРЕС) – Охридскиот градски мешан хор Vox Lychnidos и во услови на пандемија продолжува да нижи успеси.

Хорот учествуваше на првото издание на Меѓународниот хорски фестивал „Мелодианум“ во Кикинда, Република Србија, што се одржа online.

Сликата може да содржи: текст кој вели „INTERNATIONAL CHOIR FESTIVAL KIKINDA TжжюAиRHym me6yHapoAHи KиKиHAa y4ecHиuи фecTиBaлa FESTIVAL PARTICIPAN AALMIT KyлT MÜVE CAIT AP K® KиKиHAa“

Во конкуренција на 42 хорови, освоивме златен и сребрен медал во категориите духовна хорска музика и мешани камерни хорови, вели за Супер радио и InPress диригентот Бурим Хидри.

– Поради актуелната состојба учеството ни беше online. Во категоријата духовна хорска музика се претставивме со три композиции: Agni Parthene – St. Nectarius; Bogoróditse Djévo – Arvo Pärt и Tebe Pojem – S. Mokranjac и освоивме сребрен медал со 88 поени, додека во категоријата мешани камерни хорови (до 28 хористи) исто така имавме подготвено три композиции: Stabat Mater – Z. Kodaly; Боса Роса – Г. Гавриловски; Only You – Yazoo, arr. 8 Voices и на наше огромно задоволство го освоивме златниот медал со 95 поени, рече Хидри.

Нема достапен опис

Градскиот мешан хор Vox Lychnidos се прилагоди на тековните услови и веќе втор месец одржува online проби, кои се реализираат преку апликацијата Zoom. Ентузијазмот на хористите и иницијативноста на диригентот придонесува и во новата реалност во која живееме да не престане нивната работа. Покрај редовните проби, хорот е дел и од одбележувањето на 250 годишнината од раѓањето на композиторот Лудвиг Ван Бетовен. (Крај)

извор: ИнПрес фото: архива