Рестриктивните мерки остануваат на сила уште една недела

Рестриктивните мерки остануваат на сила уште една недела

Скопје, 19. април 2021 (ИНПРЕС) -Донесена е одлука за продолжување на рестриктивните мерки за уште една недела, неофицијално дознава Сител.

Одлуката за продолжување на рестрикциите на целата територија на државата е донесена утринава на состанокот на Главниот координативен кризен штаб по предлог на министерот за здравство д-р Венко Филипче, односно Комисијата за заразни болести.

Предлогот за мерките треба да биде усвоен на утрешната владина седница.

Со последните рестриктивни мерки заради силниот бран на коронавирусот беше донесена одлука за затворање и на сите угостителски објекти, фитнес клубови, како и забрана за организирање на секаков вид семинари и конференции. (Крај)

извор: Сител фото: архива