МЗ: Граѓаните кои направиле погрешен избор на локација за вакцинирање, да се вакцинираат во местото во кое живеат

МЗ: Граѓаните кои направиле погрешен избор на локација за вакцинирање, да се вакцинираат во местото во кое живеат

Скопје, 5. мај 2021 (ИНПРЕС) – Граѓаните при закажување на веб страницата vakcinacija.mk сами направиле погрешен избор на локација каде сакаат да се вакцинираат, поради тоа системот автоматски им испратил порака за локацијата, односно вакциналниот пункт и градот, што сами го одбрале, велат од министерството за здравство откако на социјалните мрежи се појавија информации од граѓани, дека за вакцинација добивале смс пораки за да се вакцинираат во друг град, а не каде што живеат системот, по што Мој Термин направил анализа на состојбата.

– Министерството за здравство ги информира сите граѓани кои се соочиле со ваков проблем и од таа причина не се појавиле вчера на вакцинација истото да го сторат денеска, во местото каде живеат, односно на вакциналниот пункт во нивниот град. Не е потребно повторно да се пријават ниту на vakcinacija.mk ниту кај својот матичен лекар, доволно е кога ќе дојдат на вакциналниот пункт да ја покажат пораката која ја добиле односно каде пишува дека вчера имале термин за вакцинација. Ова важи за сите граѓани кои и денеска или во наредните денови ќе се соочат со овој проблем, стои во соопштението.

Ви приложуваме пример – лицето добило порака дека, треба да се вакцинира во Струга, а место на живеење му е во Скопје. Денеска може да оди на кој било вакцинален пункт во Скопје но задолжително да ја прикаже пораката што ја добил за вакцинација. Доколку доказот дека има термин е валиден, лицето ќе се вакцинира, веднаш, наведуваат од министерството.

Освен салите за масовна вакцинација во Скопје, Куманово, Охрид, Штип, Кавадарци, Тетово и Битола, вакцинални пунктови работат и во здравствените установи во Струмица, Прилеп, Гостивар, Кичево, Струга, Велес, Кочани, Дебар и Гевгелија.

Од ресорното министерство апелираат до граѓаните да се пријавуваат за вакцинирање на веб страницата vakcinacija.mk како најлесен и најбрз начин до имунизација и да да го почитуваат терминот, односно времето кое го добиле за вакцинација, како не би се создавал метеж на вакциналните пунктови. (Крај)

извор: Министерство за здравство фото: ИнПрес