Financial Times – Меркел е подготвена да ја види Грција надвор од Еврозоната

Берлин, 20. јуни 2015 (ИНПРЕС) – Во Берлин, како и во главните градови на цела Европа, политичарите и луѓето кои ја одредуваат политиката, почнаа да мислат што ќе се случи утре, пишува Financial Times.

Како што се наведува во весникот, првиот чекор е подготовка за играта на обвинувања, ако владата на Грција одлучи да прогласи банкрот. Вториот чекор е она што ќе се случи следно. Излегување од еврозоната и можеби ЕУ.

– Во разговорите со другите европски лидери грчкиот премиер Алексис Ципрас презеде цврста линија. Тој сака реструктуирање на долгот, Грција да биде ослободена од сите сегашни обврски кон доверителите. Исто така тој сака излез од програмата за помош, бидејќи неговата партија “Сириза” ги отфрла принципите на слободниот пазар, анализира Financial Times.

Од кабинетот на канцеларката до министерствата за финансии и за надворешни работи, пораката што се емитува, е дека судбината на Грција е поврзана со нејзината влада.

Луѓе блиски до Ангела Меркел велат дека таа е апсолутно подготвена да ја види Атина надвор од еврозоната. (Крај)

извор: Financial Times фото: архива