Охрид, 7. октомври 2024 (ОХРИДПРЕС) – Една од највлијателните личности во класичната музика во источна Азија, Gina Alice Redlinger, позната и како Gina Alice, го објави EP-то „Dreamcatcher“, во кое открива своја сосема поинаква страна преку поп и R&B музика.
Материјалот доаѓа во вид на 4 нови песни, со фокус е ставен на „Ladies Room“, лесна R&B песна која се комбинира со нежниот вокал на пејачката и целосно ги вовлекува слушателите во нејзиниот свет.
– Овој проект беше неверојатно патување за мене и немаше да биде возможно без фантастичните луѓе што ги имав покрај себе. Длабоко сум им благодарна на моите соработници, вели Gina Alice за новиот материјал.
Пораснала во Франкфурт, но нејзините корени се во Германија и Кореја. Почнала да свири клавир на четиригодишна возраст, а неколку години подоцна под нејзина закрила ја зема познатата пијанистка, професорката Irina Edelstein. (Крај)
извор: ОхридПрес фото: архива
