Охрид, 8. октомври 2024 (ОХРИДПРЕС) – Katy Perry го објави својот долгоочекуван шести студиски албум „143“, поднасловен по нумеричкиот код за „ I love you“.
Покрај веќе објавените синглови „Woman’s World“ и „Lifetimes“, на листата на песни се и соработките со Doechii – „I’m His He’s Mine“ и 21 Savage – „Gimme Gimme“.
– Сакав да создадам храбар, весел dance pop албум кој ќе ве натера да танцувате, со симболичен наслов 143, односно љубов која продира во секоја песна, вели Perry.
Со неверојатни 115 милијарди стримови и светска продажба од 70 милиони албуми и 143 милиони песни, Katy Perry е дефинитивно една од најпродаваните женски музичари на сите времиња. Со албумот „143“ таа започнува возбудлива нова ера во нејзината кариера. (Крај)
извор: ОхридПрес фото: архива
