Охрид, 17. октомври 2024 (ОХРИДПРЕС) – Snow Patrol се враќаат со нивниот нов албум „The Forest Is The Path“, прв албум за бендот од Северна Ирска по полни шест години и „Wildness“ од 2018 година.

Албумот беше продуциран од страна на членовите на групата која сега функционира како трио во состав Gary Lightbody, Nathan Connolly и Johnny McDaid, и Fraser T Smith, кој е познат по неговите соработки со имиња како Adele и Stormzy.

Со сингловите „The Beginning“, „This Is The Sound Of Your Voice“ и „All“, Snow Patrol веќе го најавија музичкиот правец во кој ќе се движат. Албумот носи 12 песни напишани од членовите на бендот. (Крај)

извор: ОхридПрес фото: архива