Охрид, 30. април 2025 (ИНПРЕС) – ЈП „Охридски комуналец“ од понеделник, 5-ти мај, започнува со акциите за подигнување кабаст и зелен отпад на територијата на Општина Охрид.

Со календарот е опфатена секоја урбана заедница во градот со цел надминување на проблемите кои граѓаните на општина Охрид ги имаат околу собирањето на кабаст и зелен отпад. Па така во понеделник ќе се подигнува кабаст и зелен отпад од У.З.1 Стар Град

– Апелираме до граѓаните да се придржуваат до календарот, а за сите потребни информации можат да се јават на дежурниот телефон 075-495-428, кој функционира секој ден во неделата во периодот 07:00 до 21:00 часот, додаваат од претпријатието.

Се надеваат дека на овој начин ќе придонесат да изостанат сликите од одложен ваков вид отпад покрај садовите за депонирање комунален отпад и на други несоодветни локации, глетка на која сме биле сведоци во повеќе наврати, дело на неодговорни поединци. (Крај)

извор: ИнПрес фото: архива