Охрид, 11. ноември 2025 (ИНПРЕС) – Во месец септември во Охрид биле издадени 5 одобренија за градење, објавија од Државниот завод за статистика на Република Македонија.
Сите одобренија се издадени на физичко лице. Предвидена е градба на 7 станови, најмногу трособни, со вкупна корисна површина од 835 м². Во анализираниот период во општина Струга се издадени 4 одобренија, по две на физичко и правно лице, додека во Дебрца нема издадени одобренија.
На ниво на Република Македонија, во септември 2025 година издадени се 314 одобренија за градење. Од вкупниот број на издадени одобренија, 220 се наменети за објекти од високоградба, 38 за објекти од нискоградба и 56 за објекти за реконструкција. Од вкупно 314 објекти, на 229 како инвеститори се јавуваат физички лица, а на 85 инвеститори се деловни субјекти.
Во извештајниот период е предвидена изградба на 727 станови, со вкупна корисна површина од 69.411 м². (Крај)
извор: ИнПрес фото: ИнПрес
