Охрид, 14. јули 2025 (ИнПРЕС) – Во организација на ВИС „Билјана“ од Охрид, оваа среда, со почеток во 19:00 часот, на плажата „Сараиште“ ќе се одржи годинашното издание на концертот „Пријателите во чест на Андреј Лаброски“.

– Со огромна чест и задоволство ве покануваме да бидете дел од овој настан, влезот е слободен, но ќе биде поставена кутија за донации. Собраните средства ќе бидат донирани за набавка на медицинска опрема за педијатриското одделение при Општа Болница Охрид, информираат од вокално инструменталниот состав „Билјана“.

Додаваат дека бидејќи концертот ќе се одржи на плажа, посетителите да си понесат перниче, крпа и столче за седење. (Крај)

извор: ИнПрес фото: архива