Охрид, 10. јуни 2023 (ИНПРЕС) – „Заборавениот звук на Садило“ е насловен концертот, што во спомен на Климе Садило ќе го одржи во Охрид во четврток, 12-ти јуни со почеток од 20:00 часот, во предворјето на катедралната црква „Св. Софија“.

– И оваа година ќе можете да  уживате во настапите на КУД „Далги“ при Здружението на пензионери од Охрид и Дебрца, Охридскиот камерен оркестар, како и изведбата на драмата „Виолина што одекнува низ вековите“ од м-р Михаил Патчев, информираат организаторите.

Климе Садило е роден 1881 година во Охрид. Од млада возраст се занимавал со чалгискиот занает. Најпрвин свирел со татко му, а од 1906 година ја оформил својата тајфа „Такамот на Садиловци“, подоцна преименувана во „Охридски трубадури“. Припаѓа на втората, а според некои истражувачи на третата генерација охридски чалгаџии. Во песните што ги изведувале се пеело за старите охридски семејства, правилата и нормите на живеење, традицијата и обичаите, за забранетата и неостварената љубов, како и за идеалите на народот на овие простори и секако за борбата за слобода. (Крај)

извор: ИнПрес фото: архива