Охрид, 24. јуни 2025 (ИНПРЕС) – Од четврток до сабота на кеј „Македонија“ во Охрид, на потегот пред хотел „Палас“ ќе се одржи четвртото издание на Ohrid Wine Festival.
На отварањето на фестивалот, на 26-ти јуни ќе настапат Тамара, Brass brothers, Backdoor band и Dj Gec. Вториот фестивалски ден е резервиран за „Куку Леле“, Дац и Александар, „Пауза за ракија“, Dj Nasty и Urban planet. Во сабота, на 28-ми јуни, за забавата ќе бидат задолжени Влатко Лозановски, „Ареа“, „Kамелеон“ и Dj Jana.
Покровител на овој тридневен фестивал е Општина Охрид, а забавата со македонските музички артисти ќе биде надополнета со дегустација на македонски вина и вкусна храна. (Крај)
извор: ИнПрес фото: архива
