Охрид, 7. јули 2025 (ИНПРЕС) – Читатели на InPress повторно испратија фотографии со апел да се искоси високата трева кај поранешното игралиште кај историскиот Архив.
– Помина повеќе од една недела од нашата првична реакција, но ништо не е преземено. Тревата е многу висока, а ваква слика имаше и минатата година. Има мали дечиња кои живеат во зградите, а во непосредна близина е и Музичкото училиште „Методи Патче“. Може да има и змии, не знаеме…, стои во дописот.
Граѓаните апелираат што побрзо да се реагира и во најскоро време да се среди како што велат урбаната „џунгла“, загрижени за штетата што може да настане на вака високи температури.
На овој дел своевремено имаше и игралиште за деца, кое се користеше за спортски и секакви други активности. (Крај)
извор: ИнПрес фото: ИнПрес
