Охрид, 30. јуни 2025 (ИНПРЕС) – Минатата 2024 година во Охрид биле регистрирани 54 бесправно изградени објекти, покажуваат податоците на Државниот завод за статистика.
Од нив, според видот на објектот 13 се објекти за домување, 11 гаражи, 9 огради, 7 настрешници, по 5 биле доградби, надградби и слични адаптации и помошни објекти, 2 деловни објекти и по една тераса и времен објект. Од објектите за домување сите 13 биле со исклучиво станбена намена.
Што се однесува до претходните години, во 2023-та биле регистрирани 38, додека во 2022 година 53 дивоградби.
Лани во Струга имало 45 бесправно изградени објекти, додека во Дебрца не се регистрирани.
На државно ниво во 2024 година биле регистрирани 757 бесправно изградени објекти. Според видот на објектот, бесправно се изградени 151 објект за домување,
99 доградби, надградби и адаптации, 77 деловни објекти, 49 гаражи, 147 огради, 8 скалила, 14 тераси, 20 летни тераси, 93 натстрешници, 26 времени објекти и 73 помошни објекти.
Најголем број бесправно изградени објекти, 93.8 %, се во приватна сопственост. Најмногу бесправно изградени објекти, 19.9 %, се за домување. (Крај)
извор: ИнПрес фото: архива
