Охрид, 15. јули 2025 (ИНПРЕС) – По учеството и на годинашниот камп на ФК Црвена Ѕвезда во Белград каде го доби признанието МВП во неговата возрасна категорија, охридската фудбалска надеж Лазар Топаловски започнува со тренинзи во подмладокот на престижниот клуб.
Забележителниот настап на кампот му донесе покана од неговиот тренер Милош Ивиќ да биде дел од клупските тренинзи на генерацијата 2016, што започнуваат на 21-ви јули, па следната недела Лазар заминува за Белград.
Лазар досега има играно неколку пријателски натпревари во дресот на црвенo – белите, генерација 2016, но и 2015 година, предводени од Ненад Петровиќ. Од српскиот клуб во континуитет ќе ја следат играта и напредокот на охридската фудбалска надеж додека наполни 12 години, по што ќе може да одлучи дали ќе потпише и официјален договор со нив. (Крај)
извор: ИнПрес фото: архива
