Охрид, 1. јули 2025 (ИНПРЕС) – Како загревање за годинашното осмо издание на Фестивалот на нов европски филм – Beach Film Festival, од утре до 6-ти јули на „Сараиште“ ќе бидат прикажани неколку филмови.
– Ве водиме на патување низ германската кинематографија, во соработка со Гете институт од Скопје. Публиката ќе може да ужива во филмовите „Zwei zu eins“, „Franky five stars“ „Aus meiner haunt“ „Jonja“ и други, велат организаторите.
Проекциите ќе бидат од отворен карактер, бесплатни за сите посетители, а почетокот е од 20:30 часот.
8.Beach Film Festival ќе се одржува од 23-ти до 27-ми јули и ќе понуди програма со филмски проекции и музички перформанси на четири локации во Охрид, и тоа на плажите „Славија“ и „Сараиште“, брод „Армада“ и Младински културен центар. Организаторте најавуваат автори од различни делови на светот, од Франција, Италија, Грција, Монголија, Австрија, Германија…емотивни приказни и незаборавни филмски доживувања. (Крај)
извор: ИнПрес фото: архива
