Охрид, 6. ноември 2025 (ИНПРЕС) – Охридски каратисти се дел од Македонската младинска карате репрезентација и ќе се натпреваруваат на Балканско првенство за кадети, јуниори и У21 што од утре ќе се одржува во Риека, Хрватска.

Боите на градот и државата ќе ги бранат Анастасија Смилевска, Дамјан Митревски, Наум Велески и Козма Митревски од карате клуб „Кун-су-то” Охрид и Мартина Петреска од карате клуб „Чоле Охрид”.

Македонската младинска карате репрезентација е составена од 74 спортисти. На ова балканско првенство за кадети, јуниори и У21 учествуваат 1.230 натпреварувачи од 13 држави на Балканот. Нашите спортисти ќе имаат можност да ја прикажат својата посветеност, техника и спортски дух пред голем број гледачи и професионалци. (Крај)

извор: ИнПрес фото: архива