Охрид, 11. јули 2025 (ИНПРЕС) – Во текот на месец мај Охрид го посетиле вкупно 41.096 туристи, од кои 12.120 биле домашни, а 28.976 се странски.
Според официјалните податоци на Државниот завод за статистика, бројот на ноќевањата изнесува 75.263. Во однос на структурата на странските туристи најмногубројни биле Турците 6.050, следуваат гостите од Германија 5.226, Србија 2.164, Франција 2.090, Холандија 1.164, Велика Британија 1.134…
На ниво на Република Македонија во мај ја посетиле вкупно 130.739 туристи, од кои 29.277 биле домашни, а 101.462 странски. Биле остварени вкупно 231.313 ноќевања.
Во периодот јануари-мај 2025 година, во однос на истиот период од претходната година, вкупниот број на туристите е зголемен за 16.3 %, кај домашните туристи има намалување за 1.0 %, а кај странските има зголемување за 23.6 %. Во периодот јануари-мај 2025 година, во однос на истиот период од претходната година, вкупниот број на ноќевањата е зголемен за 12 % така што кај домашните туристи има намалување за 0.3 %, а кај странските има зголемување за 18.7 %. (Крај)
извор: ИнПрес фото: ИнПрес
