Охрид, 18. август 2025 (ИНПРЕС) – Од денеска па сѐ до 1-ви септември до 24:00 часот тече рокот за собирање потписи за учество на независните кандидати за градоначалник и за советници во градските совети во пресрет на локалните избори закажани за 19-ти октомври.
Потписите на избирачите во постапката на кандидирање се собираат пред службените лица на Државната изборна комисија и пред надлежен нотар на образец утврден од ДИК.
Секој избирач својот потпис може да го даде за повеќе листи на кандидат за градоначалник. Избирачите кои ја поднесуваат листата треба да имаат избирачко право и постојано живеалиште на подрачјето на општината и притоа за поддршка на истата на пропишаниот образец да бидат потпишани најмалку два избирачи.
Од подрачното одделение на ДИК во Охрид за Супер радио и InPress велат дека засега нема поднесоци од независни кандидати за учество на локалните избори.
Листите на кандидати за членови на советот и листата на кандидат за градоначалник на општината, овластените претставници на предлагачите ги доставуваат до соодветната Општинска изборна комисија (ОИК). (Крај)
извор: ИнПрес фото: архива
