Охрид, 18. август 2025 (ИНПРЕС) – Нема да поднесам кандидатура за градоначалник на Општина Охрид, изјави за Супер радио и InPress адвокатот Александар Новакоски, кој своевремено беше и претседател на Државата изборна комисија (ДИК).
Новакоски, кој своевремено беше и претседател на Државата изборна комисија (ДИК), ваквата можност ја најави на социјалните мрежи во септември 2023 година.
– Нема да се кандидирам, многу луѓе ме прашуваа периодов наназад. Од 2000 година сум жител на Скопје, а по закон за поднесување кандидатура мора да си жител на Охрид минимум 6 месеци. Инаку со задоволство би сакал, изјави Новакоски.
Засега во Охрид најавени се кандидатурите на д-р Асен Шајн, специјалист по оториноларингологија и актуелен претседател на ОО на СДСМ од Охрид е партискиот избор и ќе биде кандидат на престојните локални избори за градоначалник на Охрид. Тој наспроти себе ќе го има актуелниот градоначалник, д-р Кирил Пецаков, кој ја доби довербата од матичната партија, ВМРО-ДПМНЕ, за уште еден мандат. Се најавува сериозна „борба“ за советничките столчиња.
Инаку согласно роковникот, од денес започна да тече рокот за собирање потписи за учество на независните кандидати на локалните избори. Државната изборна комисија (ДИК) на последната седница одлучи дека само со два потписи граѓанските иницијативи ќе можат да учествуваат на изборите. ДИК донесе Правилник за регулирање на постапка за собирање потписи за поддршка на кандидатски листи поднесени од група избирачи и за начинот на определување на нотарите за Локалните избори 2025 година. (Крај)
извор: ИнПрес фото: архива
