Охрид, 14. август 2025 (ИНПРЕС) – Сузана Спасовска и Благоја Грујовски ќе настапат во ревијалниот дел на фолк вечерта на фестивалот „Охрид фест – Охридски трубадури“, на 29-ти август.
– Ќе ги слушнеме по подолго време со нова песна и песна што била изведена на овој фестивал. Благоја Грујовски ќе настапи со песната „Ноќва Охрид не спие“, која беше победничка на минатогодишниот фестивал, а Сузана Спасовска ќе настапи со песната „Невеста охридска“, што за првпат ќе ја слушнеме на сцената на Долни Сарај, вели Љупчо Соколовски, уметнички директор на фолк вечерта, кој ветува висококвалитетна музика на 32 издание на фестивалот.
Интернационалната вечер ќе се одржи на 30-ти август и како што е веќе најавено, специјални гости ќе бидат Оливер Мандиќ и Сашо Гигов- Гиш кои ќе бидат наградени за безвременски хитови. Како гостин доаѓа и менаџерот Рака Мариќ кој ќе добие награда за особен менаџерски придонес во популарната музика. (Крај)
извор: ИнПрес фото: архива
