Охрид, 8. мај 2025 (ИНПРЕС) – Течат подготовките за годинашната матурска парада, што ќе се одржи на 21-ви мај точно напладне, на градскиот плоштад.

На овој, веќе традиционален настан ќе учествуваат над 400 матуранти од сите охридски средни училишта кои ќе го изведат танцот „Квадрил” од Штраусовата опера „Лилјакот”.

И годинава за подготовките и сé да изгледа онака како што доликува се грижи професорката м-р Катерина Стојаноска.

– Подготовките за квадрилот течат во најдобар ред. Обучени се сите матуранти, ни преостануваат само уште заедничките проби кои ќе се одржат во наредниов период. Овој настан го симболизира преминот од средно образование кон нови животни предизвици и испраќа порака за мир и толеранција, вели за Супер радио и InPress професорката Стојаноска.

Заедно со нашите матурани,во исто време ќе танцуваат и нивните врсници од неколку македонски градови, но и од градови во Европа.

Матурската парада е покрената во 2001 година во Словенија, а нејзин идеен творец е Томаж Амброж од танцовата школа „Уршка” во Љубљана.

„Квадрил” е класичен танц што потекнува од 18. век исе изведува во четири слики: панталон, ете, пасторел и финале. (Крај)

извор: ИнПрес фото: ИнПрес