Охрид, 30. април 2026 (ИНПРЕС) – Водостојот на Охридското Езеро е во рамки на просекот за месец април.
Според денешните мерења, нивото на водата е на кота од 693,57 м.н.в, што е просечно ниво за овој месец и 47 сантиметри над минимално дозволената кота (693,10 м.н.в).
Во текот на месецов се бележеше константно намалување на езерскиот водостој, а неделава падна и под априлкиот просек. Во првата половина на минатиот месец езерскиот водостој беше многу блиску до максималната граница 693,75 м.н.в, по што во континуитет се бележеше намалување.
Во Охрид денес променливо облачно време со сончеви периоди и услови за локален дожд и изолирана појава на грмежи. Ќе дува слаб до умерен ветер од северен правец. Максималната температура ќе се искачи до 15 степени.
– Под влијание на влажна и постудена воздушна маса денеска ќе биде облачно со врнежи од дожд кои наместа ќе бидат пообилни (од 15 до 20 l/m²). Поради продор на постуден воздух од север, врнежите од дожд на планините ќе преминуваат во врнежи од снег. Од петок до крајот на неделава ќе се задржи променливо облачно со повремени врнежи од дожд. Ќе дува умерен, до засилен ветер од северен правец, кој повремено ќе надминува брзина од 60 km/h. Температурата ќе биде во опаѓање, а утринската наместа ќе се спушти и под нула. Од понеделник следува стабилизирање на времето и пораст на дневната температура, информираат од Управата за хидрометеоролошки работи на Република Македонија (УХМР). (Крај)
извор: ИнПрес фото: ИнПрес
