Скопје/Охрид, 23. септември 2025 (ИНПРЕС) – Утре во 13:00 часот, во седиштето на Државната изборна комисија (ДИК), ќе се одржи ждрепката за утврдување на редоследот во единствената листа на кандидати, учесници на локалните избори 2025 година.
Според статистиката добиена во ДИК потврдени се вкупно 303 листи за градоначалник и 558 листи за членови на советите на општините и советот на Град Скопје.
За Охрид се потврдени сите поднесени листи, односно 4 за градоначалник и 11 за членови на градскиот совет.
Во Струга се потврдени 9 листи за градоначалник и 10 за членови на совет, додека во Дебрца 5 се за градоначалник и 7 за советници. (Крај)
извор: ИнПрес фото: архива
