Тирана, 10. октомври 2014 (ИНПРЕС) – Претседателот на ДУИ, Али Ахмети е на официјална посета на Тирана, каде беше пречекан од Министерот за надворешни работи, Дитмир Бушати.

Односите меѓу Албанија и Македонија беа тема на разговор на средбата. Бушати ја изрази целосната поддршка на албанската Влада за Евроатлантската интеграција на Македонија. Исто така, дискутираа и за прашањето за името и улогата што Албанија може да ја има во однос на ова прашање.

Претседателот Ахмети и албанскиот Министер за надворешни работи разговараа и околу меѓуетничките односи во Македонија, Коридорот 8 и други значајни прашања за Албанците во Македонија. Соговорниците, исто така разговараа и за заедничкиот состанок на владите на двете земји во наредниот период.

Во текот на денот претседателот Ахмети ќе се сретне со премиерот Еди Рама, шефот на државата Бујар Нишани и лидерот на албанската опозиција Лулзим Баша. (Крај)

извор: Инпрес фото: архива