Струга, 3. март 2026 (ИНПРЕС) – Резултатите од последните анализи покажуваат дека загадувањето на водата во изворот Шум, водоводната мрежа во Струга и во селата што се снабдуваат од овој извор, е во граница на нормалата.
Сепак и понатаму е на сила забраната за употреба на водата за пиење. Од Центарот за јавно здравје Охрид посочуваат дека и покрај тоа што матноста е во граници на нормала, бараат уште малку трпение од граѓаните бидејќи вредностите варираат од ден на ден. За денеска се најавени нови анализи на примероци од вода.
Веќе три недели стружани се соочуваат со забрана за употреба на водата за пиење. Во насока на должноста да се обезбеди чиста и безбедна вода за граѓаните, од ЈП „Водовод и канализација“ излегоа со распоред на пунктови каде во рекот на денов стружани ќе може да се снабдат со вода за пиење од цистерни.
– Општа Болница Струга – улица „Ристо Крле“, од 09:00 до 12:00 часот
– Градски пазар, од 12:00 до 15:00 часот
– Плоштад на Револуција – улица „Маршал Тито“, од 15:00 до 18:00 часот
– Населба „Езерски Лозја“, од 18:00 до 20:00 часот. (Крај)
извор: ИнПрес фото: архива
