Охрид, 8. мај 2023 (ИНПРЕС) – Билетите за ракометниот Куп на Македонија, што од 11-ти до 13-ти мај ќе се одржи во спортската сала „Билјанини извори“ во Охрид, ќе бидат пуштени во продажба од утре.
Билети ќе се продаваат од 12:00 часот на билетарата на СРЦ „Билјанини Извори“ и во охридската чаршија, а ќе може да се купат до почетокот на натперварите.
Ќе се продаваат поединечни билети за полуфиналните пресметки во машка и женска конкуренција по цена од 100 денари. За финалето во двете конкуренции, билет ќе чини 200 денари. Постои можност да се купи и блок влезница за сите шест средби и ќе чини 600 денари.
Согласно ждрепката, Вардар ќе се обиде да го одбрани трофејот вкрстувајќи со Алкалоид, додека актуелниот лидер на првенството Еурофарм Пелистер ќе се сретне со Пролет. Во женска конкуренција ќе се сретнат ЖРК Вардар и Ѓорче Петров, а втората двојка ја сочинуваат бранителот на титулатра Металург и екипата на Куманово.
Полуфиналето кај мажите ќе се игра во четврток, 11-ти мај, додека кај жените на 12-ти мај.
Финалните натпревари ќе се одиграат в сабота, на 13-ти мај. (Крај)
извор: ИнПрес фото: архива
