Вашингтон, 18.август 2015 (ИНПРЕС) – Во текот на неделава во Бугарија ќе пристигне борбена техника на американската армија, најави прес-секретарот на Маринскиот корпус на САД во Европа капетанот Ричард Улш.
Американските маринци, кои се наоѓаат во базата Ново Село, ќе добијат 4 тенкови “Абрамс”, 3 артилериски топови и 6 оклопни разузнавачки автомобили, како дел од напорите на НАТО да ги отфрли стравувањата во Источна Европа од руското непријателство, се вели во пораката , цитирана од БНР.
Оружјето и воената техника пристигнале во текот на викендот од воена база во Северна Каролина во Германија и следната фаза од долгото патување ќе е тренинг базата во Ново Село. Во моментов во базата се наоѓаат околу 160 американски маринци, кои се на шестмесечна ротација.(Крај)
извор:Локално.мк фото:архива
